Kampionia e botës në xhudo, Majlinda Kelmendi, ka kryer me sukses një ndërhyrje kirurgjike në gjurin e saj nga ekspertët në një spital në Kosovë.
Ekipi i mjekëve që kreu ndërhyrjen, informoi se është kryer me sukses një operacion në gjurin e kampiones së botës në xhudo. Sportistja që i “ka zbardhur faqen” shqiptarëve anembanë botës, kishte pësuar një lëndim gjatë përgatitjeve të fundit që ka zhvilluar për sfidat e ardhshme nga garat ndërkombëtare.
“Pas një lëndimi të pësuar gjatë përgatitjeve për në garat e ardhshme, Majlinda Kelmendi, kampione e botës në xhudo, i është nënshtruar me sukses një ndërhyrje kirurgjikale nga ekipi i mjekëve ortopedë në krye me Dr. Florin Ramadanin”, thuhet në një njoftim të këtij spitali.