Nvidia tashmë në listë me Apple dhe Microsoft, kompania e çipave arrin kapacitetin e 1 trilion dollarëve.
Kompania “Nvidia Corp” u bë këtë të martë prodhuesi i parë i çipave kompjuterikë që i bashkohet klubit të kompanive me kapacitet mbi 1 trilionë dollarë.
Aksionet e Nvidia u rritën me 6% mëngjesin e sotëm pasi javën e kaluar postuan fitimet tre mujore që tejkaluan ndjeshëm pritshmëritë.
Nvidia parashikoi rreth 11 miliardë dollar shitje për vetëm 3 muajt e dytë. Shitjet e pritshme ishin 50% më të larta se parashikimet prej 7.15 miliardë dollarësh.
Kartat grafike të Nvidia janë të domosdoshme për platformat gjeneruese të Inteligjencës Artificiale si ChatGPT i OpenAI dhe Bard i kompanisë Google.
Nvidia ka qenë historikisht kompania kryesore në fushën e GPU-së, ndërsa deri vonë konsumatorët mendonin se GPU-të përdoreshin vetëm për video-lojëra.
Por, minierat e kriptomonedhave dhe Inteligjenca Artificiale e ka rritur besimin te GPU-të e prodhuara nga Nvidia, And dhe TSMC, të cilat kanë patur rritje të konsiderueshme të çmimit të aksioneve gjatë muajve të fundit.
Ndërkohë, Intel ka qenë kryesisht i fokusuar në tregun e çipave për CPU-të.
Aksionet e Nvidia janë rritur tashmë me 166.5%.
Kapaciteti i parashikuar i tregut të Nvidia do ta vendosë atë në listë së bashku me një pjesë të kompanivë të tjera trilionë dollarëshe, siç janë Apple, Amazon, Microsoft dhe Alphabet.