I penduari i Drejtësisë Nuredin Dumani është shoqëruar ditën e sotme në Gjykatën e Posaçme kundër Korrupsionit dhe Krimit të Organizuar.
Bëhet me dije se Dumani do të dëshmojë në procesin ndaj Altin Ndocit, Klevis Allës, (i penduar i drejtësisë) Besian Xhixhës, dhe Enver Divës, të cilët akuzohen për vrasjen e vëllezërve Viktor e Besmir Haxhia, si dhe Dorian Shkozës e Anxhelo Avdisë.
Lidhur me këto ngjarje akuzohet edhe Talo Çela, por procesi për të është ndarë se është në arrati. Dumani tronditi me dëshmitë e tij për botën e krimit, duke sjellë një serë arrestimesh.
Kujtojmë se Nuredin Dumani u arrestua gjatë operacionit “plumbi i artë”, pasi mbeti i plagosur në një atentat. Ai u kthye në të penduar të drejtësisë, dhe ka rrëfyer dhjetëra vrasje të bujshme mafioze të ndodhura gjatë viteve të fundit në vendin tonë.
