Stafi i Organizatës Europiane së Mbrojtjes Civile dhe Humanitare prej ditësh ndodhet në Shqipëri për të ndihmuar popullin shqiptar në këtë moment të vështirë.
Në një postim në Twitter, në faqen zyrtare të organizatës, zyrtarja e BE foli për menaxhimin e situatës, mirënjohjen e shqiptarëve për prezencën e tyre në Shqipëri dhe mbështetjen e madhe të kësaj organizate në këto orë të vështira. Ajo shprehet e lumtur që është pjesë e kësaj nisme kaq humane.
‘Përshëndetje!
Unë jam Sesilia nga Suedia, pjesë e organizatës europiane për ndihmën civile. Ne jemi zhvendosur për të punuar këtu në Shqipëri, si rezultat i tërmetit që goditi këtë vend disa ditë më parë.
Pikërisht në këtë rrugë ku unë po flas, njerëzit më ndalojnë dhe më thonë:
‘Faleminderit që jeni këtu, faleminderit që po na ndihmoni’.
Unë ndihem shumë mirë që jam pjesë e kësaj, një pjesë e vogël e gjithë ndihmës dhe përpjekjeve që po bëhen për të ndihmuar Shqipërinë në këtë situatë të vështirë. Ne po bëjmë më të mirën për popullin shqiptar!’, u shpreh zyrtarja e Ndihmave të BE.
“It feels so nice to be a little part of the puzzle of all these help workers that are here, doing our best to help the Albanians in this hard situation.” – Cecilia, a Swedish member of the #EUCivPro team currently supporting the response to the tragic earthquakes in #Albania. pic.twitter.com/sOdFBic7bt
— EU Humanitarian Aid ?? (@eu_echo) November 30, 2019
