Një person ka mbetur i vrarë dhe 15 të tjerë janë plagosur këtë të premte si pasojë e një sulmi rus me raketë në qytetin qendror të Ukrainës, Kremençuk.
“Pesëmbëdhjetë janë plagosur, në mesin e tyre një fëmijë”, tha Dmytro Lunin, guvernatori i rajonit qendror, Poltava, i cili përfshin edhe Kremençukun.
“Një person është vrarë”, shtoi ai. Më herët gjatë ditës së premte, Lunin tha se Rusia e sulmoi me raketa infrastrukturën civile në qytetin qendror ukrainas.
“Një raketë u rrëzua nga forcat e mbrojtjes ajrore. Të gjitha shërbimet relevante po punojnë në vendin e ngjarjes”, tha ai. Në fillim të kësaj jave, trupat ruse e goditën një rafineri nafte në Kremençuk.
