Tirana
clear sky
14.5 ° C
14.5 °
14.5 °
82 %
0.5kmh
0 %
Mar
28 °
Mër
28 °
Enj
28 °
Pre
27 °
Sht
28 °
E martë, 3 Tetor, 2023

Ndërprerja e prodhimit të vaksinave për shkak të Covid-19, në rrezik miliona fëmijë

Lajme të ngjashëm

Organizata Botërore e Shëndetit (OBSH) dhe UNICEF gjatë një konference për shtyp thanë se jeta e dhjetëra mijëra fëmijëve është në rrezik pasi janë ndërprerë programet ekzistuese të vaksinimit.

Drejtori i përgjithshëm i OBSH-së,  Tedros Adhanom Ghebreyesus tha se përqëndrimi për një vaksinë për Covid-19, po rrezikon jetën e mijëra fëmijëve të cilët mund të preken nga sëmundjet vrasëse si difteria, fruthi dhe pneumonia.

“Ndërprerja e programeve të imunizimit nga pandemia e Covid-19 kërcënon jetën e miliona fëmijëve  nga sëmundjet vdekjeprurëse si difteria, fruthi dhe pneumonia,” tha Ghebreyesus.

Ai shtoi se ndërsa bota po kërkonte një vaksinë të sigurt dhe efektive për koronavirusin, janë lënë vaksinat e tjera, të cilat janë shumë të rëndësishme dhe duhen dorëzuar.

80 milion fëmijë, në vendet e pasura dhe të varfra në të gjithë botën, mund të përballen me infeksione nga sëmundjet siç janë fruthi dhe poliomieliti, pasi burimet po ridrejtohen te COVID-19 dhe programet ekzistuese të vaksinave janë ndërprerë. Programet e vaksinimit janë ndërprerë për një numër arsyesh, duke përfshirë sistemet e mbingarkuara shëndetësore ose çështje që lidhen me problemet në zinxhirët e furnizimit.

Më shumë