Ish-sulmuesi i Anglisë dhe Manchester Cityt, Francis Lee, ka vdekur në moshën 79-vjeçare pas një beteje me kancerin.
Lajmin e hidhur e bëri të ditur vetë faqja zyrtare e “qytetarëve” në X, ku njoftojnë me pikëllimin më të thellë se ish-lojtari i tyre, Francis Lee është ndarë nga jeta.
“Me pikëllimin më të thellë dhe me zemrën më të rëndë njoftojmë ndarjen nga jeta të ish-lojtarit dhe kryetarit të Manchester Cityt, Francis Lee. Të gjithë në Manchester City dëshirojnë të dërgojnë ngushëllimet e tyre për miqtë dhe familjen e Françeskut në këtë kohë shumë të vështirë”, thuhet në njoftim.
It is with the deepest sadness and heaviest of hearts we announce the passing of former Manchester City player and Chairman Francis Lee.
Everyone at Manchester City would like to send their condolences to the friends and family of Francis at this very difficult time.
— Manchester City (@ManCity) October 2, 2023
Lee e filloi karrierën e tij në Bolton, duke shënuar 92 gola në 182 ndeshje, përpara se të transferohej te City për një rekord të atëhershëm të klubit, 60 mijë funte. Ai do ta ndihmonte klubin të fitonte titullin e Kategorisë së Parë në 1968, si dhe një Kupë FA (1969) dhe Kupën e Fituesve të Kupave Evropiane në 1970.
Lee fitoi dy tituj të vjetër të Kategorisë së Parë, shënoi më shumë se 200 gola në karrierë dhe përfaqësoi Anglinë 27 herë, duke shënuar 10 gola, në një karrierë 17-vjeçare.
