Artisti kolumbian Fernando Botero, i njohur për famën e tij me skulpturat dhe pikturat, ka ndërruar jetë në moshën 91 vjeçare.
Boteri i cili jetonte në Monako vuante nga pneumonia. Këtë e bëri të ditur vajza e tij, Lina. Presidenti Gustavo Petro i Kolumbisë, e quajti atë “piktori i traditave dhe defekteve tona, piktori i virtyteve tona”.
“Suksesi i tij ishte vërtet i jashtëzakonshëm”, shkroi djali i Boteros, Juan Carlos, në një biografi të babait të tij, botuar në vitin 2010. “Fernando Botero ka krijuar një stil unik, që është origjinal dhe i lehtë për t’u njohur.”
Botero përshkruante politikanë, kafshë, shenjtorë dhe skena nga fëmijëria e tij në një formë të fryrë dhe shumëngjyrëshe që dallohej menjëherë.
Gjatë jetës së tij, artisti fitoi famë dhe ndikim global, pavarësisht origjinës së tij modeste dhe pikturat e tij u ekspozuan në muzetë e botës. Skulpturat imponuese prej bronzi mund të gjenden në parqet dhe rrugët e shumë kryeqyteteve evropiane e të Amerikës Latine.
