Mbrojtësi i Milanit, Philippe Mexes i ka kërkuar falje Stefano Maurit dhe Lorik Canës për incidentin e krijuar në takimin e së shtunës kundër Lazios në kuadër të Serie A. Mexes nuk arriti të kontrollojë vetën e tij duke u përleshur me Stefano Maurin dhe më pas e kapi për fyti dhe kapitenin e kombëtares shqiptare të futbollit, Cana.
Sidoqoftë, mbrojtësi transalpin ka kërkuar falje për këto gjëra, për të cilat ndihet plotësisht fajtor.
“Unë duhet të kërkoj falje te skuadra, trajneri dhe familja ime. Ishte një reagim i gabuar dhe kërkoj falje për këtë gjë sepse e kam lënë skuadrën time me 10 lojtarë në fushë dhe do të pezullohem” tha Mexes.
“Fatkeqsisht unë kam bërë gabim, në karrierën time kam pasur kësi lloj reagimesh. Këto gjëra nuk duhet të ndodhin jashtë fushës. Unë kam fëmijë dhe ky nuk është shembull i mirë që ata mund të shohin te babai i tyre”, përfundoi Mexes.
