Presidenti i vendit Ilir Meta ka pritur sot në takim Ambasadorin e ri të Argjentinës në Shqipëri, Roberto Manuel Carlés, me rastin e paraqitjes së Letrave Kredenciale.
Kreu i Shtetit thotë se biseduan për forcimin e marrëdhënieve mes dy vendeve, në nivelin politik, ekonomik dhe tregtar.
Postimi i plotë i Ilir Metës:
Kënaqësi të takoja sot Ambasadorin e ri të Argjentinës në Shqipëri, Roberto Manuel Carlés, me rastin e paraqitjes së Letrave Kredenciale.
E sigurova për mbështetje në përmbushjen e misionit diplomatik në Shqipëri duke theksuar dëshirën për forcimin e marrëdhënieve miqësore tradicionale mes dy vendeve tona, jo vetëm në nivelin politik, por edhe atë ekonomik, tregtar, turizëm e kulturë.
Nënvizova praninë e diasporës shqiptare në Argjentinë dhe vlerat e kontributin e saj në ruajtjen e identitetit shqiptar, si dhe në marrëdhëniet mes dy vendeve dhe popujve tanë, edhe në të ardhmen.