PDIU e Shpëtim Idrizit publikon spotin e fushatës elektorale për zgjedhjet e 25 prillit. Vetë kryetari Shpëtim Idrizi ka ndarë pak më parë videon zyrtare, të realizuar në një fushë futbolli në Tiranë.
Në spot shfaqet dhe ish-deputetja e PD, prej kohësh me PDIU Mesila Doda, e cila i asiston topin Idrizit në mënyrë që ky i fundit të shënojë gol. Qëllimi i realizimit të këtij spoti në një fushë futbolli mbetet i paqartë, ose ndoshta drejtuesit e kësaj force politike duan të japin mesazhin se “do ta shënojnë dhe ata golin e tyre në këto zgjedhje”.
Video zyrtare që shpërndan kreu i PDIU Shpëtim Idrizi shoqërohet nga muzika e Botërorit të Brazilit të viti 2014, e kënduar nga Jennifer Lopez, e më pas miksohet me një këngë të djemëve të Çamërisë.
Mesila Doda i nxjerr topin, Shpëtim Idrizi e gjuan; PDIU publikon spotin për 25 prillin, në sfond kënga e Botërorit të Brazilit dhe ajo e Çamërisë (VIDEO)
