Ish-kryeministri i Shqipërisë dhe njëkohësisht deputet aktual i PS-së, Pandeli Majko ka reaguar sot në facebook për protestat e dhunshme që u zhvilluan dje në Kosovë. Sipas Majkos, dhuna në Prishtinë kishte një fillim dhe ajo nisi nga Jabllanoviç , i cili nuk e ka idenë e bashkëjetesës në Kosovë. Ai ka kërkuar nga shqiptarët e Kosovës që të mos godasin njëri-tjetrin për një arsye që qëndron jashtë tyre.
“Dhuna në Prishtinë kishte një fillim. Ajo ishte verbale, dhe nisi nga një anëtar qeverie që duket se nuk ja ka idenë e bashkëjetesës që ofron e ardhmja e Kosovës. Shqiptarët nuk kanë pse “godasin” njëri tjetrin për një arsye që qëndron jashtë tyre. Jam me sy e zemër nga Prishtina”, shkruan Majko.
A ju ndihmoi ky artikull?
PoJo
