Kryetari i Partisë Demokratike Lulzim Basha ka uruar Angela Merkel për përfundimin e karrierës së saj, duke e falenderuar për vëmendjen që “gruaja e hekurt” i ka kushtuar Shqipërisë dhe Kosovës.
Kryedemokrati shkruan se lidershipi i Merkel në kohë të vështira është një shembull frymëzues. Sipas tij, ajo e bëri Europën më solidare, të bashkuar dhe të aftë të kalojë kriza jo të lehta.
“Falemnderit Angela Merkel! Lidershipi juaj, në kohëra shumë të trazuara që kaloi bota, është një shembull frymëzues.
Angazhimi juaj e bëri Europën më solidare, të bashkuar dhe të aftë të kalojë kriza jo të lehta.
Shqipëria, Kosova dhe shqiptarët do të jenë përjetë mirënjohës për vëmendjen tuaj. Gjithë të mirat në jetën tuaj dhe suksese në angazhimet e ardhshme”, shkruan Basha.