Kandidati për deputet i Partisë Demokratike në Dibër, Xhelal Mziu bëri bujë me deklaratën e tij, ku tha se të gjithë njerëzit të raportojnë ata që blejnë votat pasi kanë ngritur disa struktura dhe kushdo që tenton do ta pësojë si ai i Elbasanit.
Përmes një deklarate për mediat, Mziu ka shprehur pendesën e tij, duke thënë se ishte i panevojshëm dhe u tha për shkak të emocioneve të forta të momentit.
Ai tha se do që të jetë i qartë se mbështet zgjedhje të lira dhe të ndershme, si dhe është kundër dhunës.
Deklarata e Xhelal Mziut:
Me sinqeritetin më të madh, shpreh keqardhjen time dhe pendesën time për komentin tim të panevojshem dje, për shkak të emocioneve të forta të momentit.
Dua të jem i qartë: Unë mbështes zgjedhje të lira dhe të ndershme dhe jam KUNDËR dhunës!
Jam penduar thellë për komentin tim dhe kërkoj ndjesë para gjithë shqiptarëve.