Kryepolici Gledis Nano do të mbajë paraditen e sotme një mbledhje urgjente me drejtuesit më të lartë të Policisë së Shtetit. Kjo është mbledhja e parë për vitin 2022 dhe vjen pas disa ngjarjeve kriminale që kanë ndodhur në vend, në ditët e fundit të 2021 dhe dje në “Don Bosko”.
Si pasojë e breshërisë së plumbave drejt një lokali mbeti i vdekur 1 person dhe u plagosën 4 të tjerë.
Nga raportimet paraprake bëhet me dije se mbledhja është thirrur në orën 10.00 të paradites së kësaj të mërkure. Në takim me kryepolicin do të jenë 12 drejtorët e Policisë në qarqe, shefat e rendit dhe shefat e krimeve, të cilët do të raportojnë për punën e tyre.
