Kryetari i Komisionit Shtetëror të Zgjedhjeve, Ilirjan Celibashi iu bën thirrje të gjitha KZAZ-ve që të fillojnë nesër në orën 09:00 procesin e numërimit të votave për kandidatët për deputetë.
Gjatë një njoftimi për mediet Celibashi thotë se në KZAZ-të që ka filluar tashmë numërimi ose që pritet të fillojë, do të vijojë sot deri në orën 24:00.
“Komisioneri Shtetëror i Zgjedhjeve, z. Ilirjan Celibashi ka udhëzuar që për ato KZAZ që kanë përfunduar numërimin e votave për subjektet zgjedhore, të fillojnë numërimin për kandidatët nesër, datë 28 prill 2021 në orën 9:00. Në ato KZAZ ku ka filluar, ose pritet të fillojë numërimi i votave për kandidatët, numërimi do të vazhdojë sot deri në orën 24:00 dhe do të rifillojë nesër në datën 28 prill 2021, në orën 9:00”, thuhet në njoftimin e KQZ.
