Simpatizantët e opozitës janë duke zhvilluar protestë Bulevardin “Dëshmorët e Kombit”, pavarësisht incidentit që ndodhi me kryetarin Sali Berisha, i cili u qëllua me grusht nga një person që qëndronte krah tij.
Një grup grash janë ngjitur në podium të veshura me të zeza dhe me vello në kokë. Ato kanë kënduar një këngë vajtimi dhe zie, ndërkohë që mes tyre ka qenë dhe Adriana Kalaja, kandidatja e primareve për Bashkinë e Tiranës.
Përpos gomones që simbolizon largimin e shqiptarëve drejt Britanisë së Madhe, “Kortezhi i dhimbjes shqiptare”, ishte simbolika e dytë e protestës së opozitës. Në krye të këtij grupi ka qenë aktorja Adriana Tolka, e shoqëruar nga disa gra dhe vajza, me tyre Adriana Kalaja.
A ju ndihmoi ky artikull?
PoJo
