Këngëtarja dhe aktorja e njohur amerikane Jeniffer Lopez u fejua me lojtarin amerikan të bejsbollit Alex Rodriguez.
Lopez dhe Rodriguez në profilet e tyre në Instagram shpërndanë foton e njëjtë ku shihet unaza në gishtin e Lopezit. Rodriguez shpërndau foton me një mesazh të shkurtër, ‘tha po’, ndërsa Lopez të njëjtën foto e shpërndau me një zemër.
49-vjeçarja dhe Rodriguez, i cili është 43 vjeç janë së bashku nga viti 2017 ndërsa publikimi i tyre në Instagram tërhoqi vëmendje të madhe të mediave amerikane dhe botërore.
Në rast se martohen, për Jeniffer Lopez kjo do të jetë martesa e katërt, ndërsa për Rodriguezin martesa e dytë. Që të dy nga martesat e mëparshme kanë nga dy fëmijë.
