Nëpërmjet një video kërcënuese, grupi terrorist i ISIS ka kritikuar vendimet e qeverisë japoneze për të ndihmuar vendet të cilat luftojnë kundër shtetit islamik. Në video, ISIS kërcënon se do të ekzekutoj dy pengjet japonezë në rast se nuk paguhen 200 milionë dollarë brenda 72 orëve.
Ministria e Jashtme e Japonisë ka konfirmuar për BBC ekzistencën e kësaj video, por ka refuzuar të komentojë më tej këtë çështje.
Pengjet janë bërë një mjet kyç i ISIS për të bërë presion ndaj qeverive botërore apo për të përcjellë mesazhet e tyre terroriste.
Grupi radikal islamik deri më tani ka pushtuar një sipërfaqje të konsiderueshme territoresh në Siri dhe Irak.