Një ngjarje e rëndë ndodhi sot në Lezhë ku një i ri dyshohet se u mbyt në lumin Mat, në afërsi të Urës së Zogut.
Më herët për mediat u tha se i riu i cili humbi jetën ishte vetëm 17-vjeç, ndërkohë tani thuhet se viktima është identifikuar si Valentin Nikolli, 22 vjeç, nga Fushë Miloti.
Ishin dy shokët e 22-vjeçarit ata të cilët lajmëruan policinë ku thanë se i riu ishte futur për t’u larë dhe më pas e ka marrë rrjedha e lumit.
Forca të shumta policie dhe ambulanca ndodhen në vendin e ngjarjes, ndërsa pritet mbërritja e polumbarëve për të nxjerrë trupin e pajetë.