Gjykata e Posaçme Kundër Korrupsionit dhe Krimit të Organizuar është tërhequr për vendim, për kërkesën e gjykimit të shkurtuar për inceneratorin e Fierit.
Në senaacën e sotme togat e zeza kanë vendosur rrëzimin e kërkesës së supervizorit të punimeve Arben Dervishaj dhe Regan Merdanit për shpalljen e moskompetencës nga kjo Gjykatë.
Dervishaj dhe Merdani do vazhdojnë të gjykohen bashkë me persona të tjerë për Inceneratorin e Fierit.
Bëhet me dije se u rrëzua edhe kërkesa për shpalljen e akteve të pavlefshme dhe veçimi i tyre nga i pandehuri Arenc Myrtezani. Të pranishëm në seancë ishin edhe ish-ministri Lefter Koka e ish-deputeti Alqi Bllako.
Ndërkohë për çështjen e Inceneratorit të Elbasanit është vendosur që më datë 1 Qershor të jetë seanca e radhës.
Për inceneratorin e Fierit këtë të hënë pritet të mësohet nëse do ketë gjykim të shkurtuar për të pandehurit dhe do të kërkohen konkluzionet përfundimtare nga ana e Prokurorisë Kundër Korrupsionit dhe Krimit të Organizuar për 19 të pandehurit.