Gjykata e Tiranës ka caktuar masën e sigurisë “arrest me burg” për Levzat Veselajn, efektivin e Komisariatit. nr.6, i akuzuar për “korrupsion” dhe “shpërdorim detyre”.
Gjithashtu gjatë kësaj seance gjykata vendosi që kjo dosje të kalojë për kompetencë në SPAK. Ai dyshohet se ka marrë 2 mijë euro nga një qytetar në këmbin të lejimit të ndërtimit pa leje.
Veselaj, me detyrë Nd/Specialist i Policisë Kriminale pranë Komisariatit të Policisë Nr. 6 në Tiranë, për një periudhë të gjatë kohe, ka marrë shuma monetare në këmbim të premtimit për mosveprim të strukturave policore, në fushën e ndërtimeve pa leje.
Arrestimi i Veselajt u bë nga Shërbimi për Çështjet e Brendshme dhe Ankesat në Policinë e Shtetit, pasi ky shtetas ka konsumuar veprat penale të “Shpërdorimit të Detyrës” dhe “Korrupsionit Pasiv”.