Home Office ka nisur një fushatë reklamuese me qëllim pengimin e shtetasve shqiptarë për të emigruar në Mbretërinë e Bashkuar.
Reklamat do të shfaqen në Facebook dhe Instagram dhe do të paralajmërojnë emigrantët që shkelin në Britaninë e Madhe.
Home Office është departamenti kryesor qeveritar për imigracionin dhe pasaportat, trafikun e drogës, krimin, zjarrin, terrorizmin dhe policinë.
Sipas medieve të huaja, qeveria britanike tha se fushata do t’i bëjë të qarta rreziqet me të cilat do të përballen gomonet e migrantëve që tentojnë për të ardhur në MB.
Shqipëria është një vend i sigurt, i begatë dhe shumë shtetas emigrant po bëjnë udhëtime në vende të shumta me qëllim për të mbërritur në MB, përpara se të bëjnë kerkesa për azil, shkruan Home Office.
Fushata është e ngjashme më një lëvizje të mediave sociale, e cila u nis nga qeveria në gusht të 2022.
Ministri i Emigracionit, Robert Jenrick tha se fushata do të funksiononte në mënyrë proktive, përpara se se njerëzit të nisen në udhëtime të rrezikshme dhe të panevojshme.
“Ne jemi të vendosur të ndalojmë anijet dhe fushata e nisur në Shqipëri këtë javë, është vetëm një komponent i punës së Home Office në rrjedhën e sipërme për të ndihmuar në rrëzimin e miteve rreth udhëtimeve të paligjshme në Britani, për të shpjeguar realitetet dhe për të luftuar gënjeshtrat. të shitur nga kontrabandistët e këqij që përfitojnë nga kjo tregti e ndyrë”, tha Jenrick.
Fushata mbështet projektligjin e qeverisë për migrimin e paligjshëm, i cili ka për qëllim dërgimin e azilkërkuesve që mbërrijnë në Britani nëpërmjet rrugëve të paautorizuara.
Ministrat gjithashtu janë shprehur se shpresojnë që legjislacioni do të ulë koston ditore prej 5.5 milion paundësh për strehimin e emigrantëve që mbërrijnë në Britaninë e Madhe.
Ky projektligj, i cili është aktualisht në “Dhomën e Lordëve”, është përballur me reagime nga figura të njohura publike dhe aktivistë, përfshirë këtu dhe Kryepeshkopin e Canterbury-t, të cilët pretendojnë se është i pazbatueshëm dhe moralisht i papranueshëm.