Policia e Kukësit ka bërë të mundur finalizimin e operacionit antidrogë të koduar “Hijet e natës”. Nga ky operacion është bërë i mundur arrestimi i 5-së shtetasve, kapja e rreth 3 kg lëndë narkotike kanabis, si dhe një automjet tip ”Toyota”.
Mbi bazën e informacioneve të grmubulluara, Specialistët për Narkotikët, në Drejtorinë Vendore të Policisë Kukës, finalizuan me sukses operacionin e koduar “Hijet e natës”, ku u bë i mundur arrestimi në flagrancë i shtetasve:
Shkumbin.M, 19 vjeç , banues në fshatin Branog- Has.
Hasan.J, 18 vjeç, banues në fshatin Gajrep- Has.
Alban.SH, 20 vjeç, banues në fshatin Bregov-Has.
R.J, 17 vjeç, banues në fshatin Velcë, Vlorë.
Imerli.M, 34 vjeç, banues në fshatin Branog- Has.
Arrestimi i këtyre shtetasve u bë, pasi gjatë kontrollit të ushtruar në mjetin tip “Toyota”, iu gjet dhe sekuestrua rreth 3 kg lëndë narkotike e dyshuar Cannabis Sativa, e futur në një valixhe, të cilën po tentonin ta shisnin.
Në cilësinë e provës materiale u sekuestruan: 3 kg lëndë narkotike e dyshuar si Cannabis Sattiva, automjeti tip “Toyota”, në pronësi të shtetasit H.J.
Materialet i kaluan për veprime të mëtejshme, në ngarkim të shtetasve të lartë përmendur, Prokurorisë Rrethit Gjyqësor Kukës, për veprën penale “Prodhimit dhe shitjes së lëndës narkotike, në bashkëpunim” parashikuar nga neni 283/2, i Kodit Penal.
