Për herë të dytë në rreth 20 ditë, zona Volos është “goditur” nga moti i keq, duke shkaktuar dhe dëme të mëdha.
Lumenjtë kanë dalë nga shtrati, ndërsa disa shtëpi dhe makina u përmbytën në baltë. Madje, banorët e zonës mbrëmjen e së mërkurës kanë marrë një mesazh përmes “112” për ndalim qarkullimi.
Vetëm në Volos, mbrëmë janë shpëtuar 257 qytetarë, siç njoftoi sot ministri i Krizave Klimatike dhe Mbrojtjes Civile, Vassilis Kikilias, i cili foli sërish për “sasi të paprecedentë të reshjeve” brenda pak ditësh dhe nënvizoi se “ kriza klimatike tani është këtu”.
