Gazetari Çim Peka ka sulmuar kreun e PD-së Lulzim Basha, duke e quajtur “budalla” pasi nuk është i shqetësuar për situatën politike. Këtë deklaratë gazetari e bëri ditën e sotme në Top Talk, ku theksoi se kryedemokrati nuk ka nuhatje politike.
“Basha që të mos jetë i qetë duhet të jetë i mençur, Basha është budalla për të qenë i shqetësuar, një njeri është i shqetësuar kur ka nuhatje politike, por Basha nuk ka nuhatje politike. Ne kemi menduar se po e shtyjmë se ka pakënaqësi para kryeministrit Rama. Basha po e mban PD-në se nuk do që t’i ndalen benefitet që ka si kryetar”, u shpreh Peka.
Kujtojmë se ditën e nesërme, në datën 8 Janar mbështestësit e Sali Berishës do të protestojnë para selisë së PD, duke u përpjekur që të futen brenda, ndërsa kanë 4 ditë që hasen me dyert e blinduara atje.