Pamja e mësipërme është shkrepur në rrugën “Frosina Plaku” në Tiranë, e asfaltuar nga Bashkia në këtë fushatë zgjedhore. Mirëpo, më shumë se një asfaltim i shumëpritur investimi elektoral i Bashkisë së Tiranës duket si një “inovacion urbanistik”.
Nëse zgjedh të kalosh në vijat e bardha për t’u hedhur nga njëra anë e rrugës në tjetrën, duhet të mendosh se ku do të përfundosh. Në anën e djathtë të fotografisë, vijat e bardha përfundojnë rrëzë një peme, përballë disa vetratave të xhamave.
Gazetari Ermal Dizdari publikon këtë fotografi dhe nuk i kursen ironitë:
… me ne fund edhe rruga “Frosina Plaku” u shtrua me asfaltin e shumëpritur… Por ajo që bie në sy me shume, është një inovacion urbanistik, i pa hasur më parë… Vijat e bardha, që dalin nga dyqani i Simonit dhe përfundojnë te xhamat rrethues të lokalit ose fiks te pema trotuarit….(pra nëse del nga dyqani, bën 5 hapa dhe perplasesh me xhamat/ ose e kundërta duhet zbresësh nga pema për të ecur në vizat e bardha dhe të futesh në dyqan)… mos valle një truk i shkencës apo iluzion metafizik?!?!
…Japonia ka ngritur me urgjence një skuader, me specialistët më të mirë të Ministrisë së Rrugëve dhe Hekurudhave për të konstatuar dhe studiuar nga afër gjenialitetin e urbanisteve të Tiranës… Ndërkohë që një grup ekspertësh të digave kundër përmbytjeve në Hollande, kanë kërkuar binjakëzim me Drejtorinë e Rrugëve në bashkine e Tiranës….Gjithashtu pritet një delegacion i nivelit të lartë nga Organizata Botërore e Tregtisë, të cilët do të monitorojnë efektin që vizat e bardha do të kenë në dyqanin e Simonit!
