Biznesmenia Jennifer Arcuri, ka rrëfyer se ka qenë për katër vite në një lidhje të fshehtë me kryeministrin britanik, Boris Johnson.
Në një intervistë të dhënë për “Sunday Mirror”, Arcuri zbuloi se me Johnson kishin kryer marrëdhënie seksuale për herë të parë vetëm disa orë para se kryetari i atëhershëm i Londrës të shfaqej në publik në Lojërat Paraolimpike 2012.
Lidhja e tyre zgjati katër vite dhe se ata takoheshin vetëm njëherë në javë. Biznesmenia e bindur tregon se ajo çfarë ka ndjerë për Johnson ka qenë dashuri dhe sa herë që gruaja e kryeministrit nuk ndodhej ai e takonte atë.
“Unë e doja atë. Unë e adhuroja atë.”- thotë ajo.
Një tjetër detaj që zbuloi gjatë intervistës ishte se ata ishin takuar dhe kishin kryer marrëdhënie dhe në shtëpinë e Johnsonit aty ku ai jetonte bashkë me bashkëshorten e tij.
