Në një takim me të ngarkuarën e Ambasadës Finlandeze në Kosovë Anne Meskanen, ministri i Punëve të Brendshme Skënder Hyseni, diskutoi për sundimin e rendit dhe ligjit në vend si dhe për projektet e përbashkëta ndërmjet dy vendeve.
Ministri, falenderoi zonjën Meskanen për mbështetjen e vazhdueshme që Finlanda i ka dhënë Kosovës dhe i vuri në dukje që Ministria e Punëve të Brendshme është fokusuar në çështjen e sundimit të ligjit dhe sigurisë në Kosovë.
Hyseni përshëndeti edhe qëndrimin e Finlandës për heqjen sa më parë të vizave për qytetarët e Kosovës.
