Fakulteti i Historisë dhe Filologjisë në Universitetin e Tiranës ka vendosur që të shtyjë afatin për pagesën e tarifës së studimit deri në shtator.
Kjo pagesë çdo vit bëhej para se studentët të futeshin në provime, por shtyrja u bë për shkak të situatës së vështirë të krijuar nga pandemia COVID-19.
Newsbomb.al ka siguruar edhe urdhrin që mban datën e sotme të firmosur nga dekani Sabri Laçi.
Studentët e vitit të parë dhe të dytë të programeve bachelor dhe ata të vitit të parë të programeve master duhet të kryejnë pagesën e tarifës së universitetit deri më datë 15 shtator 2020.
Ndërkohë studentët e vitit të tretë bachelor dhe atë të viteve të dyta të programeve master që do të diplomohen në sesionin e korrikut të bëjnë pagesën deri me datë 10 korrik 2020.
Edhe pse është bërë ky lëshim nga fakulteti, studentët nuk janë përsëri të kënaqur, pasi kanë kërkuar anullimin e plotë të tarifës.
