Task Forca e Veprimit Financiar (FATF), si mbikëqyrësi global i pastrimit të parave dhe financimit të terrorizmit që vendos standardet ndërkombëtare që synojnë të parandalojnë këto aktivitete të paligjshme, ka konfirmuar për Newsbomb.al se Shqipëria ka dalë nga lista gri e pastrimit të parave.
“FATF mirëpret përparimin e rëndësishëm të Shqipërisë në përmirësimin e regjimit të saj Kundër Pastrimit të Parave/Lufta kundër Financimit të Terrorizmit (AML/CFT)”, njofton Task Forca e Veprimit Financiar, duke rekomanduar vazhdimin e punës dhe me MONEYVAL.
Nisur nga deklarata e djeshme e ministrit të Financave Ervin Mete, Newsbomb.al iu drejtua me kërkesë zyrtare kësaj organizate ndërkombëtare, e cila konfirmoi se Shqipëria dhe një grup i vogël vendesh kanë dalë nga lista gri e pastrimit të parave, ndërsa në të është futur Bullgaria.
Vendet që bëjnë pjesë në “Listën gri” nënkuptojnë se janë nën monitorim të shtuar dhe punojnë në mënyrë aktive me FATF për të adresuar mangësitë strategjike në regjimet e tyre për të luftuar pastrimin e parave dhe financimin e terrorizmit.
Janë disaa prioritete apo objektiva të vendosura më herët nga ekipet e kësaj Task Force, të cilat janë përmbushur me sukses, duke bërë që Shqipëria të mos jetë më pjesë e listës gri dhe nën monitorim për pastrimin e parave e financimin e terrorizmit.
“Shqipëria forcoi efektivitetin e regjimit të saj AML/CFT për të përmbushur angazhimet në planin e saj të veprimit në lidhje me mangësitë strategjike që FATF identifikoi në shkurt 2020 lidhur me:
(1) kryerjen e analizave shtesë të thelluara për të kuptuar mjaftueshëm pastrimin e parave (ML) dhe rreziqet e tjera, dhe rritja e koordinimit dhe bashkëpunimit institucional; formalizimi i ekonomisë dhe zvogëlimi i rreziqeve të pastrimit të parave/financimit të terrorizmit (ML/TF) që vijnë nga përdorimi i gjerë i parave të gatshme; dhe regjistrimin e informacionit mbi pronësinë në pothuajse të gjithë vendin;
(2) duke përmirësuar trajtimin në kohë të kërkesave për ndihmë të ndërsjellë juridike;
(3) ka krijuar mekanizma efektivë për zbulimin dhe parandalimin e infiltrimit kriminal në ekonomi, duke përfshirë forcimin e kompetencave të autoriteteve kompetente për të ndërmarrë veprimet e nevojshme;
(4) sigurimin që informacioni i saktë dhe i përditësuar bazë dhe përfitues i pronësisë është i disponueshëm në kohën e duhur;
(5) rritja e numrit dhe përmirësimi i sofistikimit të ndjekjeve penale dhe konfiskimeve për pastrimin e parave (ML), veçanërisht në rastet që përfshijnë vepra penale të huaja ose ML të palës së tretë.”
(6) përmirësimi i zbatimit të sanksioneve financiare të synuara, veçanërisht nëpërmjet veprimeve të zgjeruara mbikëqyrëse dhe shtrirjes së synuar dhe proaktive”, thuhet në raportin e Tas Forcës së Veprimit Financiar (FATF), dërguar Newsbomb.al.
“Prandaj, Shqipëria nuk i nënshtrohet më procesit të monitorimit të shtuar të FATF. FATF mirëpret angazhimin e Shqipërisë për të respektuar parimet e FATF në rast se Shqipëria prezanton një program VTC (Pajtueshmëria vullnetare e taksave) në të ardhmen. Shqipëria duhet të vazhdojë të punojë me MONEYVAL për të mbështetur përmirësimet e saj në sistemin e saj AML/CFT”, përmbyll raporti.
