Një ngjarje e ndodhur në një familje kosovare më 12 mars të këtij viti ka tronditur Zvicrën.
Sherri mes dy bashkëshortëve N.B., dhe F,B., ka përfunduar me vdekjen e gruas, e cila pas një jave në kujdes intensiv në spital, ndërroi jetë. Autoritetet zvicerane thonë se autori është në burg dhe ngjarja që ndodhi në shtëpinë e tyre në Schafisheim po hetohet.
Çifti i ri (gruaja 44 dhe burri 46) kishin tre fëmijë së bashku. Burime për mediat atje bëjnë me dije se njëra nga vajzat e kishte lajmëruar rastin e dhunës në Polici.
Viktima F.B ishte gjetur në gjendje tejet të rëndë. Ende nuk dihen arsyet e konfliktit mes tyre që dyshohet se çuan deri në vrasjen e F.B.
