Një episod paksa “ngushëllues” ka ndodhur në Libi pas përmbytjeve të tmerrshme që u morën jetën mijërave personave.
Shërbimet e urgjencës në Derma njoftuan se kanë gjetur një familje e cila kishte mbijetuar për pesë ditë me radhë nën rrënoja dhe janë nxjerrë të gjallë. Mediet lokale raportojnë se familja u bllokua nën pllaka të mëdha shkëmbi dhe ato që duket të jenë mure të shembura të një shtëpie gjatë përmbytjeve. Ata u gjetën pranë xhamisë al-Sahaba natën vonë.
Në një video të publikuar në rrjetet sociale, operacioni i shpëtimit tregon makineri të rënda duke gërmuar rreth rrënojave të shtëpisë së dëmtuar.
Banorët vendas dhe të mbijetuarit qëndruan përreth dhe shikonin ndërsa personeli i shpëtimit nxori fillimisht një grua nga nën rrënoja e më pas katër anëtarët e tjerë të familjes.
Sipas mediave lokale, Tamer Ramadan, kreu i operacioneve të ndihmës në Libi për Federatën Ndërkombëtare të Shoqatave të Kryqit të Kuq dhe Gjysmëhënës së Kuqe, tha se operacionet e shpëtimit do të vazhdojnë në qytet.
“Ka ende shpresë se ata të gjallë do të gjenden”, tha ai.
Ramadan nuk dha një numër të saktë të vdekjeve të katastrofës deri më tani, duke thënë se çdo numër i dhënë tani “nuk do të jetë përfundimtar ose i saktë”.
Punonjësit e ndihmës dhe aktivistët në terren në Derna i thanë Middle East Eye se është e vështirë të dihet se sa njerëz janë vrarë në stuhi dhe përmbytje për shkak të mungesës së procesit të duhur të dokumentacionit dhe përmasave të mëdha të katastrofës.
Numri i të vdekurve në qytetin bregdetar Derna të Libisë është rritur në 11,400 ndërsa përpjekjet e kërkimit vazhdojnë pas një përmbytje masive të shkaktuar nga shpërthimi i dy digave në shirat e dendur.
Autoritetet shëndetësore më parë kishin thënë se numri i të vdekurve në Derna ishte 5,700. Stuhia vrau gjithashtu rreth 190 njerëz në qytete të tjera. Kryetari i bashkisë së Derna, Abdel-Moneim al-Ghaithi, tha se shifra mund të rritet në 20 mijë duke pasur parasysh numrin e lagjeve që u përmbytën.
LEXO EDHE: Përmbytjet masive në Libi, 11,500 viktima dhe 10,500 të zhdukur