Eksperti i njohur i IT, Genti Progni u bën thirrje autoriteteve shqiptare që të marrin masa për të siguruar jetën e tij dhe të familjes. Ai ka publikuar një video përmes së cilës tregon se në pjesën e pasme të makinës i kanë vendosur një gjurmues lëvizjesh (AirTag).
“Ne makinen e vetme ne emer te familjes time (bashkeshortes), ne makinen qe leviz cuni im eshte gjetur nje airtag i vendosur per te pakten 1 jave te cilin e zbulova dje! I vendosur poshte targes se makines ka gjurmuar prej nje jave te gjitha levizjet”, shkruan Progni.
Më tej, eksperti i IT shkruan se ka bërë denoncim në Policinë e Tiranës sipas ligjit dhe autoritetet kanë reaguar. Megjithatë, teksa i falenderon për reagimin e shpejtë, ai kërkon rezultate për personat që i kanë vendosur GPS në makinë dhe qëllimin e tyre.
“Kam bere denoncimin sipas ligjit dhe po pres organet te bejne detyren, falenderoj per reagimin e shpejt dhe pres te kete rezultate! Kushdo qe ka guxuar te afrohet kaq shume nuk me tremb aspak! As nuk do me largoje dot nga Shqiperia e as nuk do me mbylle gojen! Pushka top e mua me ka nga pas!!! Shihemi shpejt burracak”, përmbyll Gent Progni.