Qeveria shqiptare ka arritur të emetojë një Eurobond me vlerë 650 milionë euro në tregjet ndërkombëtare, me një kupon prej 3.62% dhe yield prej 3.75% për një afat 7 vjeçar.
Lajmi akoma nuk është zyrtarizuar, por mësohet nga burime jo zyrare për monitor se oferta e investitorëve ishte rreth 3.2 mld euro.
Përqindja vlerësohet si tepër e favorshme nga ekspertët, sepse Maqedonia që ka një vlerësim BB+ ka marrë interes më të lartë dy javë më parë.
Ekspertët pohojnë se ajo që e ka ndihmuar Shqipërinë në këtë rast ka qene programimi perfekt i kohës për të dalë në tregje që në këtë rast është meritë e bankave keshilluese, ndërkohë që likuiditeti në tregje është i lartë.
Nga ky Eurobond 200 milionë euro është rifinancim dhe pjesa tjetër është borxh i ri.