Presidenti serb, Aleksander Vuçiq dhe presidenti turk, Recep Tayyip Erdogan kanë zhvilluar një bisedë të gjatë telefonike.
Sipas mediave serbe, ata kanë theksuar përkushtimin e dy vendeve për të rritur marrëdhëniet politike dhe ekonomike.
Vuçiq i ka bërë thirrje Erdoganit që ta vizitojë Serbinë gjatë këtij viti për të mbajtur Sesionin e Dytë të Këshillit të Lartë për Bashkpunim.
Presidenti serb ia ka ritheksuar Erdoganit që mbështetja e tij për investime turke në Serbi është me rëndësi të madhe. Presidenti turk është shprehur se e mbështet politikën e paqes dhe stabilitetit në Ballkanin Perëndimor të udhëhequr nga Serbia dhe presidenti i saj.
Erdogan ritheksoi se Turqia do të bëjë gjithçka për të ruajtur dhe përmirësuar marrëdhëniet miqësore me Serbinë.
