Një plagosje me thikë ka ndodhur ditën e sotme në Berat. Dy persona janë përfshirë në një konflikt me njëri-tjetrin. Mësohet se shtetasi Artur Gjata dhe Ervis Kanani kanë marrë plagë të shumta dhe janë transportuar në Spitalin Rajonal të Beratit për të marrë ndihmë mjekësore.
Mësohet se 45-vjeçari Gjata ka xhelozuar, kur ka parë shokun e tij Ervis Kanani me të dashurën e vet dhe në këtë moment ka nisur dhe konflikti mes tyre. Ndërkohë në vendngjarje ka mbërritur Policia e cila po punon për zbardhjen e shkaqeve të konfliktit mes dy shtetasve.
Njoftimi i Policisë:
Berat/Informacion paraprak
Sot, rreth orës 12:15, janë paraqitur për mjekim në Spitalin Rajonal Berat shtetasit A.Gj., 45 vjeç dhe E.K., 37 vjeç, të cilët dyshohet se gjatë një konflikti me njëri-tjetrin janë goditur me mjet prerës (thikë).
Të dy shtetasit ndodhen në Spitalin Rajonal Berat, ku po marrin ndihmë mjekësore.
Grupi hetimor në vendngjarje po kryen veprimet për zbardhjen e ngjarjes.