Albana Koçiu ka mbajtur që nga viti 2013 pozicionin e Drejtorit të Departamentit të Administratës Publike. Mirëpo, emërimi i papritur si Ministre e e Shëndetësisë la vakant pozicionin që ajo mbante prej vitesh.
Për këtë arsye i është besuar kjo detyrë drejtorit të IT-së, Ened Kërçini. Ai e ka nisur punën që nga data 12 shtator, dhe gëzon kompetenca të plota, pavarësisht se Kërçini është i komanduar deri në plotësimin e procedurave për zgjedhjen përfundimtare të drejtorit të ri.
Teksa ekziston probabiliteti më i madh që në krye të këtij institucioni të jetë përsëri një femër.
Departamenti i Administratës Publike është institucioni përgjegjës për menaxhimin e shërbimit civil në institucionet e administratës shtetërore, ku bëjnë pjesë Kryeministria, ministritë e linjës dhe institucionet e tyre të varësisë, përfshirë degët e tyre territoriale dhe administratën e prefektit.
