Njeriu më i pasur në botë, biznesmeni amerikan Elon Musk, ka bërë katër propozime për t’i dhënë fund luftës në Ukrainë, por që nuk kanë kaluar qetësisht në internet.
I përfshirë në debatin e madh se si mund të arrihet paqja mes dy vendeve, mes propozimeve të Musk, renditen edhe ato që presidenti i Ukrainës, Volodomyr Zelensky i quan si vija të kuqe, çështje që nuk mund të bëhen pjesë e negociatave me Rusinë.
Sipas Musk, në krahinat e aneksuara me forcë dhe referendum fals nga Rusia, duhet të mbahet sërish referendum, këtë herë nën monitorimin e Kombeve të Bashkuara. “Rusia largohet nëse ky është vullneti i njerëzve”, shkruan ai.
Më tej Musk thotë se Krimea duhet të jetë pjesë e Rusisë, t’i kthehet furnizimi me ujë dhe Ukraina të ketë statusin e vendit neutral. Megjithatë propozimet e Musk i janë drejtuar miliona ndjekësve të tij në formë pyetjeje.
“Krimea formalisht pjesë e Rusisë, siç ka qenë që nga viti 1783 (deri në gabimin e Hrushovit).
-Furnizimi me ujë në Krime është i siguruar.
-Ukraina mbetet neutrale”, shkruan Musk në Twitter.
Ukraine-Russia Peace:
– Redo elections of annexed regions under UN supervision. Russia leaves if that is will of the people.
– Crimea formally part of Russia, as it has been since 1783 (until Khrushchev’s mistake).
– Water supply to Crimea assured.
– Ukraine remains neutral.
— Elon Musk (@elonmusk) October 3, 2022
