Ministrja e Arsimit të Kosovës, Arbërie Nagavci, ka reaguar menjëherë pas publikimit të rastit të dhunimit të një 3-vjeçari në një kopësht në Fushë-Kosovë.
Nagavci ka dënuar ashpër dhunën e përdorur nga edukatoret ndaj të miturit dhe ka theksuar se ato do të marrin dënimin e merituar.
“Thellësisht e shqetësuar nga pamjet e publikuara të një çerdheje në Fushë Kosovë. E dënoj ashpër dhunën e ushtruar ndaj një të mituri në këtë institucion parashkollor. Dhuna është e papranueshme andaj, pres që kushdo që ushtron dhunë të marrë dënimin e merituar.
Ajo që është më shqetësuese sipas pamjeve të publikuara, është se nuk bëhet fjalë vetëm për një person por më shumë edukatore të involvuara e që e shton dyshimin se nuk është fenomen i izoluar. Inspektorati i Arsimit ndodhet në këtë institucion dhe sapo të pranojmë raportin, do të ndërmarrim masa të menjëhershme. MAShTI, komunat dhe në përgjithësi si institucione kemi obligim të kujdesemi e të sigurohemi për mirëqenien e të gjithë fëmijëve”, thuhet në reagimin e ministres.
LEXO EDHE: PAMJE TË RËNDA/ Edukatoret tërheqin zvarrë dhe dhunojnë 3-vjeçarin në kopësht