Një 33-vjeçar shqiptar është qëlluar për vdekje me thikë gjatë mbrëmjes së djeshme në Itali. Bëhet fjalë për të riun Alfons Kola, i cili u qëllua me thikë jashtë një lokali në Calcinato, në provincën e Breshias.
Ndonëse u dërgua në spital, ku iu nënshtrua një operacioni, Kola nuk mundi t’u mbijetojë dot plagëve të marra dhe ka ndërruar jetë.
I riu shqiptar u vra nga bashkëatdhetari i tij, Petrit Gega. Ky i fundit u arrestua nga polica pak pas krimit të rëndë. Autoritetet dyshojnë se mes viktimës dhe autorit ka patur një debat të ashpër për arsye ende të paqarta.