Një ngjarje e rëndë ka ndodhur këtë pasdite në Mitrovicë.
Nënkoloneli i Forcës së Sigurisë së Kosovës, Skënder Harifaj, ka ndërmarrë aktin ekstrem, duke i dhënë fund jetës.
Trupi i pajetë i nënkolonelit fillimisht është dërguar në Spitalin Rajonal të Mitrovicës, më pas është dërguar për ekspertizë në Qendren Klinike Universitare në Prishtinë, ku rreth orës 15:00 është konfirmuar vdekja e tij.
“Sot rreth orës 11:20, policia ka marrë informacionin se në një zonë malore në fshatin Zjaqë të Mitrovicës, një person ishte vetë-plagosur me armë. Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore”, thuhet në njoftimin e policisë së Kosovës.