Një ngjarje e rëndë ka ndodhur në Kosovë ku një 4-vjeçar ka humbur jetën në mënyrë tragjike.
Siaps mediave vendase mësohet se 4-vjeçari teksa ishte duke kullotur lopën ra ditën e djeshme në kanalin e Ibër-Lepencit në fshatin Akrashtivë të Vushtrrisës dhe si pasojë u mbyt.
Trupi i të miturit u nxor vetëm ditën e sotme falë ekipeve të kërkim-shpëtimit. Ndërkohë, bëhet me dije se rjedha e ujit e kishte çuar trupin e 4-vjeçarit në fshatin Bukosh të Vushtrrisë.
Ndërkohë, më herët para se trupi i tij të gjendej në një deklaratë për media daja i të miturit, tha se së bashku me kushëririn e tij 4-vjeçari kishin dalë për të kullotur lopën afër banësës së tyre.
“Ai së bashku me një djalë tjetër më të rritur e kanë lëshuar lopën për të kullotur afër shtëpisë dhe e kanë sjell tek kanali. Thuhet se djali ka rënë në kanal dhe për fatkeq nuk është gjetur ende. Ka qenë i shoqëruar me djalin e hallës së tij. Ai nga paniku nuk ka mundur që të tregojë se si ka ndodhur rasti derisa është qetësuar e më pas ka ardhur e ka treguar gojarisht se këtu ka rënë në. Dhe ende nuk dihen gjurmët”, tha ai.