Kompania gjermane BioNTech dhe gjigandi farmaceutik amerikan Pfinzer kanë filluar testimin e vaksinës kundër koronavirusit te njerëzit.
BioNTech raportoi se deri tani janë 12 njerëz në Gjermani që e kanë marrë vaksinën, por pa dhënë asnjë informacion për rezultatet.
Ndërkohë, sipas Pfinzer, vaksina eksperimentale do të fillojë të testohet javën e ardhshme në SHBA, ku 200 vullnetarë do të marrin vaksinën.
Kompanitë shpresojnë se do të kenë një vaksinë përfundimtare deri në vjeshtë.
Vaksina e quajtur BNT162 do të testohet te 200 vullnetarë të moshës 18-55 vjeç, të cilët do të marrin një dozë prej 1 mikrogram deri në 100 mikrogramë, për të gjetur dozën optimale për studime të mëtejshme.
“Kjo është një shenjë shumë e mirë që ne mund të fillojmë testimin klinik tani. Sigurisht, siguria është një udhëzim i rëndësishëm për ne dhe testimi do të marrë muaj. Siguria është parësore kur bëhet fjalë për këtë lloj vaksine”, vuri në dukje disa ditë më parë Ministri gjerman i Shëndetësisë, Jens Spahn.