Policia Kufitare ka goditur një tjetër tentativë për trafikim të lëndëve narkotike në Pikën e Kalimit Kufitar Durrës mbrëmjen e djeshme.
Janë sekuestruar 6 kg e 105 gramë lëndë narkotike Marjuanë. Policia ka arrestuar në flagrancë një shtetas italian, Piero Mormina 60 vjeç, banues në Itali.
Gjatë kontrollit të imtësishëm të ushtruar në vijën e dytë mjetit tip Fiat, me drejtues një shtetas italian, me destinacion Italinë, në pjesën e poshtme të mbrapakolpit u gjetën dhe sekuestruan në cilësinë e provës materiale rreth 6 kilogramë e 105 gramë lëndë narkotike e dyshuar e llojit Marjuanë.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale “Trafikimi i lëndëve narkotike “.
Njoftimi i policisë:
Port – Durrës
Policia Kufitare parandalon dhe godet një tjetër tentativë për trafikim të lëndëve narkotike. Sekuestrohen 6 kg e 105 gramë lëndë narkotike e dyshuar Marjuanë. Arrestohet në flagrancë një shtetas italian. Gjatë procedurave të kontrollit kufitar në Pikën e Kalimit Kufitar Durrës mbrëmjen e djeshme Policia Kufitare ka ushtruar kontroll në një mjet me drejtues një shtetas italian, me destinacion Italinë.
Gjatë kontrollit të imtësishëm të ushtruar në vijën e dytë mjetit tip Fiat, në pjesën e poshtme të mbrapakolpit u gjetën dhe sekuestruan në cilësinë e provës materiale rreth 6 kilogramë e 105 gramë lëndë narkotike e dyshuar e llojit Marjuanë.
Veprimet e mëtejshme procedurale u kryen nga ana e Specialistëve për Hetimin e Narkotikëve në Drejtorinë Vendore të Policisë Durrës, të cilët arrestuan në flagrancë shtetasin: Piero Mormina 60 vjeç, banues në Itali. Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale “Trafikimi i lëndëve narkotike ” parashikuar në nenin 283 /a të Kodit Penal.