Balerini dhe koreografi Dritan Brama u eliminua të martën nga shtëpia e “Big Brother VIP” në një televotim ku ishte bashkë me banorin tjetër, Donald Veshajn. Ai foli sot për disa nga situatat brenda shtëpisë gjatë qëndrimit të tij prej disa ditësh.
Më tej balerini rrëfeu në “Ftesë në 5” se çfarë i ka mbetur peng nga spektakli i “Big Brother”.
Koreografi tha se ka pasur në plan një kërcim sensual me modelen Beniada Nishani,të cilin nuk e realizoi dot, pasi doli nga shtëpia, duke hequr dorë përfundimisht nga çmimi i madh.
“Më ka shpëtuar një kërcim pa bërë. Ky është pengu që më ka ngelur”, tha Brama.
Sipas tij Beniada është banorja, e cila ka qenë gjithmonë e vërtetë brenda në shtëpi.
“Beniada është ajo që është! Ka të folurën e saj shumë të bukur aty brenda, që më pëlqen”, u shpreh ai.