Grupi Balfin nën drejtimin e biznesmenit Samir Mane do të festojë në mes të qershorit 30 vjetorin e krijimit, por të paktën 10 vitet e fundit, përveç aktivitetit tregtar, grupi është fokusuar në ndihmë të njerëzve në nevojë.
Presidenti i grupit Balfin, Samir Mane u ftua ditën e djeshme në ambientet e fondacionit Doën Syndrome Albania dhe këta të fundit, siç informon drejtuesja Emanuela Pepkola, gjatë 9 viteve kanë bashkëpunuar dhe janë mbështetur nga kompanitë Neptun, Fashion Group dhe QTU.
“Simboli i kauzës së DSA iu dorëzua me shumë mirënjohje zotit Samir Mane, president i Balfin Group, gjatë vizitës së tij në ambientet e qendrës sonë të shërbimeve Pro Pak në kuadër të 10 vjetorit të themelimit të DSA”, shkruan Pepkola në statusin e vet në rrjetet sociale.
“Jam vërtet i impresionuar nga puna dhe përkushtimi juaj. Do të na keni në krah të kauzës dhe misionit tuaj në vazhdim” tha gjatë marrjes së këtij vlerësimi presidenti Mane. Nuk është hera e parë që grupi Balfin përfshihet në aktivitete sociale për fëmijët në nevojë apo për fëmijët me sindromën Down.