Ministrja Elisa Spiropali shprehet se mandati i tretë që do të marrin socialistët do të jetë më i lehtë se i dyti.
E ftuar në emisionin ‘A Shoë’ me Adi Krastën, Spiropali e quajti situatën e tanishme ku ndodhet vendi ‘ një fruth që do të kalohet’.
‘Mandati i tretë do të jetë më i lehtë se i dyti, po kalojmë një fruth, një fazë papajekurie në politikë që shumë shpejt do ta tejkalojmë. Partitë politike i kanë rënë shumë në qafë Shqipërisë. Liderët e partive mendojnë se janë zotër të saj e mund të bëhet siç duan ata. Edhe këto shenja të fundit të një përplasje politike të egër janë pasojë e kësaj përplasje të egër që shumë shpejt do shërohet them unë’, tha Elisa Spiropali.