Tetë emra të propozuar për president nga 23 deputetë të opozitës në një mbledhje të Grupit Parlamentar të PD-së do të kalojnë për diskutim të thelluar.
Më herët ishin propozuar 10 emra, por tashmë janë 8 që do të diskutohen, dhe nga të cilët do të dalin 4 kandidatë për presidentin e ri, të propozuar nga deputetët e Partisë Demokratike.
Mes emrave të propozuar ka tërhequr vëmendje ai i Princit Leka Zogu II, çka është konsideruar si absurditet barazimi i postit të Presidentit të Republikës, me atë të Mbretit, siç e parashikon statuti i partisë së Legalitetit.
Emrat që do të diskutohen në këtë fazë janë:
1. Leonard Demi
2. Arben Çejku
3. Dritan Demiraj
4. Visar Zhiti
5. Rexhep Uka
6. Halim Kosova
7. Dashamir Shehu
8. Leka Zogu