Personi që shihni në foto është Orges Xhelili, ish-punonjësi i IT në Bashkinë e Divjakës i cili ditën e sotme plagosi me thikë në mes të Divjakës, kryetarin e Bashkisë së qytetit Fredi Kokoneshi dhe shoferin e tij, Gazmir Bullari.
Këtë të premte Kokoneshi është përballur me Xhelilin në qendër të qytetit, pranë godinë së Bashkisë së Divjakës, dhe kanë pasur një debat me tone të ashpra.
Ish-punonjësi i IT në Bashkinë e Divjakës është larguar nga vendngjarja por Policia ka mundur ta arrestojë atë.
Ndërkohë, Fredi Kokoneshi është dërguar me urgjencë në Spitalin e Lushnjës, ku raportohet se ndodhet në gjendje të stabilizuar shëndetësore dhe nën kujdesin e mjekëve. Ndërkohë, shoferi i tij ka marrë plagë të shuma dhe për rrjedhojë ndodhet në gjendje më të rëndë shëndetësore.
